-->
-->
Анимираниот филм „Една“ на Вук Митевски на фестивал во Краков
-->
Краткиот анимиран филм „Една“ на Вук Митевски премиерно ќе биде прикажан на 59. Интернационален филмски фестивал во Краков, во главната конкуренција за кратки и анимирани филмови. Ќе се прикажува на 28 и 30 мај и ќе биде во трка за наградата „Сребрен змеј“ за најдобар анимиран филм, со уште девет анимации од цел свет.
– „Една“ е 11-минутна анимација која беше инспирирана од бегалската криза, каде што Македонија како транзитна земја ја проследи реката човечки судбини. Во суштина „Една“ е љубовна приказна поставена во многу необични околности, раскажана на многу апстрактен и поетски начин. Анимацијата е целосно изработена во рачен цртеж и на авторот му беа потребни скоро три години за да ја изработи оваа магична анимација, соопшти продукцијата „Сестри и брат Митевски“.
Филмот е копродукција со Белгија и поддржан од Агецијата за филм. Сценариото е на Теона Стругар-Митевска. По претходниот успех со повеќекратно наградуваната анимација „Алерик“, ова е четврти анимиран филм на Вук Митевски.
Интернационалниот филмски фестивал во Краков се вбројува во најдобрите десет фестивали во светот посветени на анимираните филмови и е меѓу ретките фестивали кои водат до директна номинација за наградата Оскар во категоријата на кратка анимација.
-->
-->
-->
Ново на Сител
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис