Анѓушев - Ромео: Владата на Македонија е посветена на обврските од Берлинскиот процес
Владата e посветена на итните реформски приоритети, како и на обврските од т.н. Берлински процес. Ќе работи на реформи во енергетскиот сектор и на создавањето поволна бизнис клима за домашните и странските инвеститори, а конкурентноста на компаниите ќе ја подигне со инвестиции во патната и железничката инфраструктура, рече денеска вицепремиерот за економски прашања Кочо Анѓушев на средбата со италијанскиот амбасадор Карло Ромео.
Како што соопшти кабинетот на Анѓушев, средбата се реaлизира во пресрет на Самитот за Западен Балкан во Трст, што ќе се одржи на 12 јули, а е во рамки на Берлинскиот процес, за побрза интеграција на земјите од овој регион во ЕУ.
Ромео, како претставник на земјата домаќин на годинашниот Самит за Западен Балкан, ги презентираше приоритетите на италијанското претседавање и деталната агенда. Го поздрави формирањето на Владата и изрази надеж дека процесите за интеграција на Република Македонија, како и на целиот регион во ЕУ ќе се одвиваат со побрза динамика.
Република Италија како актуелен претседавач со процесот, ќе помогне, нагласи Ромео, за интензивирање на активностите.
Ново на Сител
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани