Ангеловска за намалувањето на парите за партиите: Сите треба да понесат дел од товарот
Намалувањето на средствата за политичките партии со владина Уредба беше на предлог на Министерството за правда во чиј што буџет е наменето финансирањето на политичките партии и тоа согласно закон, изјави денеска министерката за финансии Нина Ангеловска.
– Претходно беше 0,15 проценти од вкупните приходи, но сега согласно кризата и еве консензусот од страна на сите политички партии тој процент е 0,04 проценти, или со предлог одлуката за кратење беа намалени значајни износи на средства, нешто околу 100 милиони денари се на ставката, наспроти околу повеќе од двојно коишто биле на почетокот на годината, рече Ангеловска, додавајќи дека сите треба да понесат дел од товарот.
Потсети дека за ова прашање било дискутирано уште пред неколку месеци со првата одлука за кратење, но досега не била оперативно донесено со уредба и усвоена на седница на Влада, а сега тоа е официјализирано.
Владата вчера со уредба скрати четири милиони евра на политичките партии а средствата, како што вчера соопшти владината прес-служба, ќе бидат пренаменети во буџетот за справување со последиците од пандемијата, а за политичките партии преостануваат нешто повеќе од милион евра кои ќе треба да биде распределени согласно законските прописи.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО