Ангела Меркел се одјави од Фејсбук: Ви благодарам на сите и довидување!

Германската канцеларка Ангела Меркел го угаси денеска својот профил на социјалната мрежа Фејсбук, но не крена сосема раце од интернет.

„Познато ви е дека повеќе не ја водам ЦДУ (Христијанско-демократската унија) и тоа е причина поради која го затворам својот Фејсбук профил“, објасни таа на видео- снимката.

Додаде дека останува канцеларка, што значи дека граѓаните ќе може да ја следат и да ја коментираат нејзината работа на Фејсбук страницата на сојузната влада.

„Или можете да ме следите на Инстаграм“, додаде таа.

„Денеска сакам да им се заблагодарам на сите вас на големата поддршка која ја дадовте преку Фејсбук“, рече и додаде: “Ви благодарам на сите вас“.