Балкан
24. November 2017 - 8:36

Анастасијадис подготвен за обнова на преговорите за Кипар

Претседателот на Кипар, Никос Анастасијадис изјави дека е подготвен да се врати на преговарачката маса со претставниците на кипарските Турци, по неуспехот на преговорите во Кран Монтана летово.

- Решавањето на ова прашање е најважната реформа која државата може да ја направи. Турција мора да сфати дека не може да држи една независна држава како заложник. Ние сакаме иднината на Кипар да ја решат кипарските Грци и кипарските Турци, изјави Анастасијадис за време на собир во главниот град Никозија.

Двете кипарски заедници преговараат под покровителство на Обединетите нации за повторно обединување на островот, кој беше поделен во 1974 година по државен удар група офицери кипраски Грци, чија цел беше обединување на Кипар со Грција. По пучот, Турција воена интервенираше на Кипар, преземајќи контрола врз северниот дел на островот, каде подоцна беше поргласена Турската Република Северен Кипар, која е призанта само од страна на Анкара.

На последната рунда преговори, и покрај интервенција на Вашингтон, предложеното решение не беше прифатено, па тие пропаднаа.