Анархисти со боја и летоци ја нападнаа солунската Митрополија
Група анархисти фрлија боја и летоци и испиша слогани во дворот на солунската митрополија, а полицијата, според грчките медиуми привела две лица, кои подоцна биле ослободени, јави дописничката на МИА од Атина.
Анархистичката група „Иницијатива за слобода од Солун” ја презеде одговорноста за инцидентот, велат дека тоа го сториле против „темнината на национализмот” и во знак на реакција и протест за настанот организиран во неделата во Солун од 22 т.н. Православни христијански здруженија на кој главни теми беа Договорот од Преспа, Нелегалната миграција во Грција и демографското прашање. Настанот беше под наслов „Ние не се согласуваме”.
-Што може да е заедничко за Договорот од Преспа, „нелегалната миграција” и „демографското прашање”? Пред сѐ ова се темите на настан со наслов „Ние не се согласуваме” организиран од 22 Христијански здруженија во центарот за конференции „Велидио” во Солун. Горенаведените оски претставуваат основна идеолошка агенда на конзервативците и радикалните десничари. Во моментов, конкретната агенда се промовира од владата, црквата, религиските и парарелигиските групи, фашистичките организации, градските десничарски и радикално десничарски партии, пишуваат анархистите.
Паралелно, објавија и видео од, како што тие велат, „интервенцијата во солунската митрополија” во текот на ноќта.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас