Анархисти одговорни за бомбашкиот напад врз Светиот синод на Грчката православна црква
Организацијата „Непоколебливи анархисти“ ја презеде одговорноста за нападот со Молотови коктели, што на 8 август беа фрлени во дворот од седиштето на Светиот синод на Грчката православна црква, информира весникот „Нафтемборики“.
Во соопштението на организацијата се наведува дека нападот бил преземен како одговор на „новиот бран државни репресии“.
Анархистите го образложија нападот „со упадот на властите во три згради во Солун, што се окупирани од мигранти“.
Од бомбашкиот напад во дворот на Светиот синод беа оштетени два автомобила. Врз зградата на Синодот немаше материјални штети.
Нападите врз храмови и други религиозни места почнаа од пред извесно време, откако анархистите упаднаа во црква во Солун за време на литургија, а вандалски напади презедоа и на островот Крит и во два црковни храма во Атина.
По нападите, што беа осудени од Владата и политичките партии, свештениците апелираа на неопходноста од заштита на храмовите. Тие подвлекоа дека зградата на Светиот синод нема никаква полициска заштита.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка