„Амнести интернешнал“: Договорот меѓу ЕУ и Турција за бегалците е катастрофа
Договорот меѓу Европската унија и Турција за бегалците е катастрофа и никогаш повеќе не треба да се повтори, оцени организацијата „Амнести интернешнал“, јави ДПА.
Организацијата ги повика светските лидери да не го земаат овој договор како модел за слични договори со Либија, Судан и Нигер.
Повикот беше упатен една година по почетокот на договорот меѓу ЕУ и Турција.
Договорот целеше да се намали бегалскиот бран кон Европа со враќање на азилантите во Турција, што беше определена како безбедна земја.
Според невладината организација всушност тој договор е причината поради која илјадници лица се „напуштени“ на грчките острови.
Во извештајот, што е насловен како „Модел за очај“, „Амнести интернешнал“ ги опишува условите за живот во камповите како „очајни“, наведувајќи дека на тие места луѓето се пренатрупани, нема топла вода, недоволна хигиена, храната е лоша, а здравствените услуги не се на потребното ниво.
- Крајно нечесно е европските лидери да го оквалификуваат договорот на ЕУ и Турија како успех и истовремено да ги затворат очите за неподносливо високата цена што се плаќа како последица од него, изјави Гаури ван Гулик, заменик-директорот на „Амнести интернешнал“ за Европа.
Во март 2016 година ЕУ се договори со Анкара, бегалците кои ќе пристигнуваат на грчките острови преку Егејското Море да бидат враќани во Турција.
Овие бегалци го задржуваат правото да аплицираат за азил прво во Грција, по што процедурите се забавуваат и во реалноста речиси нема вратени лица во Турција.
„Амнести интернешнал“ исто така тврди дека меѓународното право било прекршено со тоа што на бегалците кои се вратени назад не им се дало можност да поднесат барање за азил или да поднесат жалба за враќањето во Турција.
Ново на Сител
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ