Свет
23. March 2018 - 9:23

Американскиот Сенат го изгласа федералниот буџет

Сенатот во САД го изгласа сојузниот буџет од 1.300 милијарди долари со што се избегна ново блокирање на работата на администрацијата.

Сенаторите со 65 гласови „за“ и 32 гласа „против“ го изгласаа законот. Тој закон веќе беше изгласан во Претставничкиот дом на Конгресот и ќе биде испратен во Белата куќа на потпшување.

За одбрана ќе бидат потрошени 700 милијарди долари или повеќе од половината пари од владата на САД за буџетската 2018 година (октомври 2017-септември 2018). Трамп доби 1,6 милијарди долари за доградба и замена на ѕидот долж границата со Мексико.