Американскиот Конгрес откажа седница по предупредување за можен планиран напад
Американска милитантна група, веројатно инспирирана со теоријата на заговор на КуАнон, за денеска планирала напад врз американскиот Конгрес, покажале полициски разузнавачки проценки, по што Претставничкиот дом ги откажа седниците поради безбедносни причини.
Безбедносната проценка, која обезбедувањето на Конгресот вчера ја доставил до пратениците, не ја идентификува групата, но времето на наводниот напад го сугерира нејзиниот идентитет.
Денеска, на 4 март, е денот на кој Доналд Трамп, според следбениците на заговорот на КуАнон, требаше да се врати на претседателската функција.
Полицијата во Вашингтон од вчера го зајакна обезбедувањето околу зградата на Конгресот.
– Сериозно ги сфативме тие разузнавачки податоци, но поради нивната чувствителност не можеме да откриеме повеќе детали, соопшти вчера полициското обезбедување на Капитол Хил.
Како што се наведува во соопштението, „зајакнато е обезбедувањето на Конгресот и со физички блокади и со човечко присуство, а полицијата соработува со локалните, државните и федералните партнери со цел да спречи каква било закана“.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај