Американскиот дезертер Боув Бергдал поштеден од затворска казна
Американскиот дезертер Боув Бергдал нема да биде осуден на затвор, но ќе биде избркан од армијата на САД, реши денеска воениот трибунал.
Бергдал побегна од својата единица распоредена во Авганистан во 2009 година, по што беше заробен или пребегал кај талибанска група, во која остана до 2014 година.
Тогашниот американски претседател Барак Обама нареди пуштање на слобода на пет водечки исламистички команданти од затворот во Гвантанамо, во замена за ослободувањето на Бергдал.
Во октомври, Бергдал се изјасни како виновен откако беше обвинет за дезертирање од стражарското место и за недолично однесување пред непријателот, за што му се закануваше казна затвор до 14 години.
Случајот на Бергдал предизвика критики во САД, како поради ослободувањето на петте исламисти, така и поради тоа што најмалку шест војници биле убиени додека се обидувале да го лоцираат и ослободат Бергдал од талибанците.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација