Американски медиуми: Откриен идентитетот на двајца мажи со кои контактирал Пападопулос
Американските медиуми денеска објавија дека новинската агенција АП го открила идентитетот на двајца странски државјани главни за одржување на контакти меѓу Русија и поранешниот советник на американскиот претседател Џорџ Пападопулос.
Според пишувањата ма медиумите, АП тврди дека добила електронски писма од кои се наметнува заклучокот дека Пападопулос водел преписка со Џозеф Мифсуд и Иван Тимофеев.
Мифсуд е професор и почесен директор на лондонската Академија за дипломатија, а Тимофеев програмски директор на рускиот Совет за меѓународни односи во Москва.
Во судските документи поднесени од специјалниот истражител Роберт Мјулер не се именуваат тие двајца мажи.
Во нив е наведено дека Пападопулос во април 2016 година на Русите им дал „валкници“ за кандидатката на демократите на претседателските избори во САД, Хилари Клинтон, во форма на електронски писма, и дека тој бил во контакт со уште еден човек, кој имал врски со руското Министерство за надворешни работи.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО