Американски експерт тврди дека Ким Јонг Ун и семејството се вакцинирале против коронавирусот
Севернокорејскиот лидер Ким Јонг Ун и неговото семејство во последните неколку недели се вакцинирани со кинеска експериментална вакцина против коронавирус, изјави американски аналитичар повикувајќи се на два неименувани извори од јапонското разузнавање.
Хари Казианис, експерт за Северна Кореја во истражувачкиот Центар за национални интереси во Вашингтон, рече дека покрај семејството Ким, кинеската вакцина ја примиле и неколку високи севернокорејски функционери.
Не е познато која фармацевтска компанија му ја доставила вакцината на севернокорејскиот лидер или дали е докажано безбедна, додаде Казианис.
– Во последните две или три недели, Ким Јонг Ун и голем број други високи функционери во семејството Ким и властите биле вакцинирани против коронавирус благодарение на вакцината што ја разви кинеската Влада, напиша Казианис во написот за порталот 19FortyFive.
Тој додаде дека најмалку три кинески компании работат на развој на вакцина против Ковид-19, вклучително и Синовак Биотек Лтд, КанСиноБио и Групацијата Синофарм.
Синофарм соопшти дека нивната вакцина веќе ја примиле скоро милион луѓе во Кина, иако не е познато дека некоја од трите компании ја почнала третата фаза на клинички испитувања на нивните експериментални вакцини за коронавирус.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај