Амандманска расправа за 27 закони на Комисијата за финансирање

Собраниската Комисија за финансирање и буџет денеска треба да ја започне 75. седница на која на дневен ред се 27 закони во второ читање и Финансискиот план на Агенцијата за супервизија на осигурување за 2016 година.   

Аманданска расправа ќе има за измените и дополнувањата на Законот за Царинската управа, на Законот за хартии од вредност, на Законот за експропријација, на Законот за вршење на работи за застапување во царинските постапки, на Законот за акцизите, на Законот за вршење на сметководствени работи, на Законот за регистрирање на готовински плаќања, на Законот за заштита на потрошувачите при договори за потрошувачки кредит, на Законот за царински мерки за спроведување на заштита на правата од интелектуална сопственост, на Законот за супервизија на осигурување, на Законот за персоналниот данок на доход, на Законот за комуналните такси, на Законот за приватизација и закуп на градежно земјиште во државна сопственост, на Законот за лизинг, на Законот за девизното работење, на Законот за административните такси, на Законот за вршење на услуги брз трансфер на пари, на Законот за данокот на добивка, на Законот за данокот на додадена вредност, на Законот за даночна постапка, на Законот за игрите на среќа и за забавните игри, на Законот за даноците на имот, на Законот за преземање на акционерските друштва, на Царинскиот закон, на Законот за инвестициски фондови, на Законот за финансиските друштва и на Законот за ревизија.