Албанскиот Парламент и во вториот круг гласање не избра претседател на земјата
Албанскиот Парламент денеска не избра нов претседател на државата, бидејќи ниту еден кандидат не беше номиниран ниту во вториот круг на гласањето.
Истата ситуација се случи и вчера во првиот круг на гласањето.
Владејачката коалиција одби да именува нејзин кандидат за претседател со цел да покаже добра волја кон опозицијата.
Претседателските кандидати во Албанија ги предлага група од најмалку 20 пратеници, а улогата на претседателот е главно церемонијална.
Албанскиот Парламент, што брои 140 пратеници избира претседател во пет кругови на гласање.
Во првите три кругови, за да стане претседател, кандидатот мора да освои поддршка од најмалку три петини од гласовите, односно гласовите на 84 пратеници.
Опозицијата го бојкотира албанскиот Парламент од февруари и сака да биде формирана преодна влада што ќе ја води земјата до парламентарните избори на 18 јуни, бидејќи оценува дека сегашната Влада манипулира со гласањето.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари