Албанија: Утре почнува учебната година, наставниот кадар мора да има сертификат или негативен тест
Во Албанија утре почнува новата 2021/2022 учебна година а со самото тоа стапува во сила одлуката на Комитетот на експерти за справување со пандемијата, според која наставниот кадар мора да поседува сертификат за вакцинација или негативен тест, што треба да го прават еднаш неделно.
„Утре стапува во сила наредбата за презентирање на потврдата за вакцинација од страна на образовниот кадар во сите училишта во земјата, додека од 11 октомври тоа важи за студентите. Алтернативата за немање сертификат за вакцинација ќе биде неделниот тест или алтернативна настава за невакцинирани студенти“ рече министерката за здравство Огерта Манастирлиу, пренесува Албанија Дејли.
Според неа зголемениот интерес во текот на отворените месеци за вакцинација довело до над 80 отсто од наставниот кадар во основните и средните училишта да е вакциниран со една доза и над 60 отсто со две дози, што, оцени таа, претставува висока покриеност со имунизација против ковид-19.
„Од почетокот на вакцинацијата, вкупно се вакцинирани 1.683.644 граѓани од нив 754.020 со двете дози. Покрај во вакциналните пунктови и здравствените амбуланти, вакцинацијата е во тек и на секој универзитет во земјата. Досега, во нашата земја пристигнаа 2.045.310 вакцини,“ информираше Манастирлиу.
Поради трендот на раст на новозаразени и починати од Ковид-19, министерката упати апел до граѓаните да не потпаѓаат под влијание на пропагандата на антиваксерите и да се вакцинираат, како единствен начин на заштита.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово