Активен пожар над гевгелиското село Моин
Жители на гевгелиското село Моин попладнево пријавиле дека избувнал пожар на нива во месноста викана Срнак од другата страна на Конска река.
Територијалната противпожарна единица Гевгелија веднаш по дојавата со едно возило и тим пожарникари излегла на терен, но состојбата не била ставена веднаш под контрола, затоа што потпомогната од ветерот горела сува трева над местото викано Краварник. Потоа во гаснењето на пожарот кој се проширил на нискостеблеста шума и се уште е активен се вклучиле три возила и шест пожарникари, како и вработени од шумското стопанство на Гевгелија.
Пожарникарите и шумските работници на лице место во овие моменти рачно работат на обиколување на онгот и негово локализирање.
-Работиме на локализација на опожареното место јужно од Краварникот од каде почна пожарот кој се шири кон поранешнта караула. Објектот не е во опасност исто како и селото и вложуваме максимални напори пожарот да го локализираме и ликвидираме, велат од ТППЕ Гевгелија.
Опожареното место цела вечер ќе биде набљудувано и контролирано од екипи на ТППЕ Гевгелија и работници на гевгелиското шумско стопанство за да не дојде до негово проширување.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите