Ако се ежите кога слушате музика, вашиот мозок е посебен!
Дали некогаш добивате чувство на ежење или дека ве лазат морници кога слушате некоја песна? Ваквите искуства при слушање музика се ретки и уникатни.
Метју Сакс дипломирал на „Харвард“, па минатата година анализирал индивидуи што го имале чувството на ежење додека слушаат музика. Студијата вклучувала 20 студенти, а 10 од нив признале дека имале вакви искуства, додека пак другите 10 не почувствувале такво нешто. Сите биле изложени на мозочно скенирање.
Откриено е дека оние што имале емоционална и физичка приврзаност за музиката, всушност, имаат поинаква мозочна структура од оние што немаат. Кај нив има повеќе влакна кои ги поврзуваат аудиторниот кортекс и регионите што процесираат емоции, што значи дека може да комуницираат подобро.
Според авторот на студијата, оваа појава значи дека имате посилни и поинтензивни емоции. Овие сензации можат да се поврзат и со сеќавања кои се блиски до некоја одредена песна, што не може да биде контролирано.
Иако се работи за мала студија, Сакс продолжува да собира информации и да реализира нови истражувања за да се анализира мозочната активност додека се слуша музика која може да предизвика одредени реакции. Се надева дека со повеќе сознанија ќе може да се истражува и дали музиката би била погодна и при третирање на некои психолошки нарушувања.
Ново на Сител
-
Претседателски избори
-
Тема на денот со Ненад Марковиќ, универзитетски професор
-
Владата одлучи: Деновите за гласање ќе бидат неработни за сите
-
Партиите потпишуваа кодекс за фер и демократски парламентарни избори
-
Османи лично решил Македонија да биде коспонзор на резолуцијата за Сребреница
-
ЦГК: Училиштата трошат 10 милиони евра пари на родителите без отченост и транспарентност
-
Кавга меѓу Арсовска и Костадиновска Стојчевска: Министерката ќе ја тужи градоначалничката
-
Приватните специјализанти извисија - Решение после избори