Акција за собирање кабаст отпад во Кисела Вода
Акција за собирање кабаст отпад почна во општина Кисела Вода. Активностите за подигнување на кабастиот отпад и електронската опрема ќе се одвивааат до крајот на април преку Секторот за месна самоуправа и социјална заштита, а во истите ќе се вклучи и ЈП „Комунална хигиена“.
Акцијата ќе се спроведува во секои последни два дена во седмицата во две месни и урбани заедници. Покрај подигнување кабаст отпад, сезонските работници ангажирани од Општината ќе вршат и генерално чистење на улиците и кастрење на суви гранки на најфреквентните улици под надлежност на Општина Кисела Вода. Ќе се интервенира и во делот на урбаното средување на скалите, како и средување на детските игралишта и парковите на територија на Општина Кисела Вода.
Акцијата ќе се спроведена 21 и 22 март во Црниче и Пржино, 28 и 29 март во населба и село Драчево, на 4 и 5 април во 11 Октомври, 11 и 12 април во Цветан Димов и Бирарија, 18 и 19 април во Кисела Вода и Расадник и на 28 и 29 април Припор, Усје, Пинтија и Стаклара – Каменик.
Општина Кисела Вода апелира до граѓаните кабастиот отпад да го одложуваат до 11 часот, во точно предвидените термини пред своите домови, колективните згради на пошироките улици на начин што нема да го попречува движењето на пешаците и возилата. Потсетуваат дека вон определениот датум и време, не е дозволено одлагање на кабастиот отпад.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари