Ахмети се сретна со заменик-амбасадорот на САД, Блум и амбасадорот на ЕУ, Жбогар
Претседателот на Демократската унија за интеграција, Али Ахмети денеска се сретна со заменик-амбасадорот на САД во Скопје, Микаела Швајцер Блум и со амбасадорот на Европската Унија во Македонија, Самуел Жбогар.
ДУИ соопшти дека на заедничката работна средба која се одржала во просториите на Американската амбасада во Скопје, Ахмети и соговорниците разговарале околу натамошното развивање во однос на формирањето на новата реформска влада. Ахмети го повторил ставот дека Демократската унија за интеграција целосно е посветена во спроведувањето на бараните реформи од страна на меѓународната заедница, интеграцијата во НАТО и во Европската Унија, добрите меѓуетнички односи, но и економскиот развој и отварањето нови работни места.
Од ДУИ информираат дека првите чекори што ќе ги преземе новото парламентарно мнозинство се решавањето на застојот во локалната власт, како и укинувањето на екстерното тестирање како две непосредни прашања.
Ахмети истакнал дека 16 години од неговите активности во рамки на ДУИ, никогаш немало разочарување во пријателските и добронамерните ставови на меѓународната заедница. - Затоа и побара помош од страна на САД и ЕУ за да ги надминеме предизвиците пред нас и да помогнат за побрзо интегрирање на Македонија во НАТО и Европската унија, стои во соопштението од партијата.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот