Ахмети-Незири: Какви луѓе се осомничените, дали убиените имаат роднини во полиција

На 4 ноември продолжува судењето за убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски кај Смилковското езеро на 12 април 2012 година, со читање на СМС комуникација и разговори од „бомбите“, докази предложени од Обвинителството.

На денешното рочиште за „Монструм“ во еден од аудио разговорите што беа пуштени, лидерот на ДУИ Али Ахмети го прашува Сафет Незири за  информации за уапсените за кои за двајца вели дека се добри луѓе додека за еден дека е бандит. Ахметии го прашува Незири дали петтиот убиен (рибарот) е во роднинска врска со сопственикот на езерото, а тој му вели не, тику само се познавале и дека момчињата немале блиски роднини во МВР.