Ахмети: Македонците ме разочараа, веднаш се исплашија од идејата за премиер Албанец

Во движење се ставени не само земјата и регионот, туку и меѓународни центри, бидејќи правдата е на наша страна  и целата врева се крева поради тоа што ние излеговме со наше правно и легитимно барање за премиер Албанец, изјави лидерот на ДУИ, Али Ахмети на промоцијата на партијата во Куманово.

Тој изјави дека е „загрижен од македонските политичари“, но и од претседателите на албанските политички партии во однос на нивната реакција за идејата на премиерот Албанец во земјава.

– Нашите сограѓани Македонци ме разочараа бидејќи веднаш се исплашија од идејата за премиер Албанец, истакнувајќи дека Албанец не може да биде премиер во Република Македонија. Од дедо и прадедо со документ ни ја оставија земјата и заедно со Сонцето ние сме тука и никој не може да негира едно легитимно право кое самиот Господ го познава. Како можеше да се избере претседател на Собранието Албанец и токму тие говореа дека не може да стане, министер за одбрана Албанец, министер за внатрешни работи Албанец, претседател на Врховниот суд Албанец и ништо лошо не и се случи на ова земја, напротив процесите се движат напред, Европа е Европа на различностите, рече Ахмети во обраќањето.