Ахмети: „Бомбите“ на Ел Чека - „утринска слана“ што брзо ќе ја снема!
Ниту сум ги слушнал, ниту пак, ќе ги слушам, рече денеска лидерот на ДУИ, Али Ахмети запрашан за коментар околу прислушуваните телефонски разговори што деновиве се објавуваат на социјалните мрежи, пренесува АлсатМ. Првиот човек на алтернативците додаде дека од пријатели дознал оти станувало збор само за „утринска слана“ што брзо ќе исчезне, односно дека во нив немало ништо официјално туку само неврзани разговори. Ахмети додал дека судството треба да се справи со случајот.
Изминатиов период корисник на социјалната мрежа „фејсбук“, со прекар „Ел Чека“, предупреди дека ќе продолжи со објавување на нови „бомби“, најавувајќи дека ќе има уште „пострашни“, ако не се спроведе меѓународна истрага за настаните во Диво насеље, како што ветуваше ДУИ. Toj тврди дека нелегално прислушуваните материјали ги има добиено токму од т.н. Кумановска група, чии членови се осудени за настаните во Диво насеље, а сега се во затвор.
Во една од своите објави на фејсбук Ел Чека пишува дека во консултација со адвокат ќе ги објави сите материјали коишто ги поседува и оти потоа фајловите ќе ги испрати до ЦИА и до амбасадата на САД во Скопје.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер