Ахмедовски се сретна со делчевскиот градоначалник Трајкоски
Имплементацијата на Стратегијата на Ромите и подобрување на квалитетот на животот со посебен акцент на проблемите со домувањето на Ромите, беше тема на денешната средба на градоначалникот на Општина Делчево, Горан Трајкоски и министерот без ресор задолжен за координација и имплементација на Националната стратегија за подобрување на состојбата на Ромите, Аксел Ахмедовски.
Ахмедовски потенцираше дека на средбата биле дискутирани проблемите со кои се соочуваат Ромите во општина Делчево и можните решенија, идеи и проекти за подобрување на нивната состојба преку реализација на комунални инфраструктурни проекти од страна на општината.
- На средбата беше потенцирано дека усвојувањето на Локалниот акциски план во рамките на Стратегијата за Роми 2014-2020 година претставува голем чекор на локалната администрација кон целосна интеграција на Ромите. Во оваа насока министерот Ахмедовски истакна дека овој план претставува основен патоказ за реализација на активности кои директно ќе придонесат за зајакнување на положбата на Ромите во оваа општина, истакна Ахмедовски.
За градоначалникот Трајкоски средбата била конструктивна и се отвориле конкретни прашања на кои ќе може да се делува со цел да се подобри квалитетот на животот на ромската заедница.
- Со министерот без ресор разговаравме за повеќе прашања и проблеми кои се актуелни кај ромската заедница. Ги потврдивме приоритетите за решавање кои се во надлежност на Општина Делчево, а кои можат во соработка со ресорното Министерство да овозможиме нивна реализација. Разговаравме за повеќе можности и ние како локална самоуправа да аплицираме за повеќе проекти до Министерството за што ќе следува повик, а ние како Општина сме подготвени да аплицираме, рече Трајкоски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка