Адмирал Ефтимов: Авионот МиГ-29 не бил соборен
Началникот на Генералштабот на бугарската армија, адмирал Емил Ефтимов изјави за Бугарската национална телевизија дека немало експлозија на урнатиот авион-ловец Миг-29.
Како што јави дописникот на МИА од Софија, има доволно очевидци кои го потврдуваат тоа, но постојат и доволно системи за набљудување за да се отфрли верзијата дека бугарскиот воен авион бил соборен.
Најверојатно причината, според бугарскиот адмирал Ефтимов, е ударот на авионот во водите на Црното Море, кој станало како бетон при контакт со авионот.
Тој потврди дека потрагата по црната кутија сè уште трае. Откриено е местото на несреќата, каде авионот се распрснал на илјадници парчиња на површина од 20 квадратни метри. Во реонот е забрането пливање, нуркање и преминување на пловни објекти. На авионот имало уште една ракета и сè додека не биде откриена постои ризик во оваа област, коментира адмиралот Ефтимов.
Дописникот на МИА од Софија потсетува дека експерти од невладиниот Атлантски совет во Бугарија не ја исклучуваат можноста авионот да бил соборен или од руски воен авион, бидејќи руските военовоздухопловни сили би можеле да се чувствуваат загрозени од ударот на целта од бугарскиот МиГ-29, или според другата верзија, бугарскиот воен авион можеби по грешка бил соборен од ракета истрелана од српски противвоздушни единици кои учествувале во вежбата кај Шабла.
Началникот на бугарската одбрана Ефтимов истакна дека борбените авиони во моментов престанале да летаат сè додека не заврши истрагата за инцидентот, која ќе трае 30 работни дена.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово