Администрацијата на Трамп го ограничи пристапот до бесплатна контрацепција
Владата на американскиот претседател Доналд Трамп донесе одлука со која на работодавачите им се дозволува да одбијат финансирање на бесплатна контрацепција за милиони Американки.
Со таа одлука на работодавачите и осигурителните компании им се овозможува да одбијат финансирање на контрацепција доколку сметаат дека тоа е спротивно на нивните „верски уверувања“ или „морални вредности“.
Педесет и пет милиони жени во САД имаа пристап до бесплатна контрацепција за време на администрацијата на претседателот Барак Обама, која ги принуди компаниите да им ја овозможат таквата заштита на жените.
Трамп во текот на својата изборна кампања вети дека ќе ја укине таквата обврска. Таа беше дел од „Обамакер“ и напорите на Обама да го измени американскиот здравствен систем.
Верските институции беа ослободени од обврската да им плаќаат контрацептивни средства на своите службенички.
Ново на Сител
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија