Адеми и Тозија на средби со првите луѓе на „Еуроимаж“ и „Европскиот филмски маркет“
Се зголемува интересот за македонската кинематографија, оценија министерот за култура на Асаф Адеми и директорот на Агенција за филм Горјан Тозија по средбата со водечките професионалци на „Европскиот филмски маркет“ и „Еуримаж“, која се одржа денеска во Музејот Мартин Гропиус Бау кој веќе десет години за време на одржувањето на Берлинскиот филмски фестивал е централно место на европскиот филмски маркет, јави МИА од Берлин.
На средба со директорот на европскиот филмски маркет Матијас Вутер Кнол министерот Адеми се заблагодари за досегашната соработка земајќи во предвид дека Македонија традиционално е присутна на маркетот со разни активности за промоција на македонската кинематографија, како што се проекција на македонски филмови и закупување на простор за рекламирање на македонската кинематографија преку постери од последните македонски филмови.
Целта е на средбата е да се продлабочи соработката со Маркетот и потребата од македонски промотивен штанд со цел да се постигне поголема видливост и промоција на нашата најнова филмска продукција што е особено значајно за кинематографиите што доаѓаат од малите земји.
Со претседателката на „Еуроимаж“ Кетрин Траутман и извршниот директор Роберто Ола, се дискутираше за досегагашната поддршка на овој европски фонд на македонскиски проекти како и за насоките на размислувањата на „Еуримаж“ во однос на финансирањето на проектите особено од малите земји, како Македонија, членки во овој финд за копродукции.
Евидентна е позитивната атмосфера што се создаде кон македонската кинематографија со учеството на филм во трката за наградта„Златна мечка“, а за министерот Адеми тоа е уште еден мотив европските фондови да дадат поголема поддршка на македонскиот филм. Тој се заблагодари за досегашната високо професионална соработка со Македонија како земја членка на Еуримаж со желба и во иднина македонската кинематографија да продолжи како и досега да ги следи европските стратегии во филмската дејност и да создава квалитетни европски ко-продукции.
По одржувањето на состаноците, се одржа и премиерата на филмот „Господ постои, нејзиното име е Петрунија“ каде што освен бројните официјални лица, присуствуваше голем дел македонската екипа во филмот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово