Адеми е за физичко присуство на учениците во училиштата, Филипче за он лајн настава!!
Министерот за образование е на ставот за физичко присуство на учениците во училиштата бидејќи ништо не можело да го замени традиционалниот начин на образование. Неговиот колега од здравството е за он лајн настава освен за првачињата. И Адеми и Филипче биле на утринскиот состанок на Комисијата за заразни болести, но не паднал договор како и кога ќе почне учебната година. Додека од образование предложиле дека за учење од клупа нудат скратени часови и помалку ученици во училница, им укажале дека за такво нешто се потребни законски измени а за тоа нема Собрание и Влада. Дел од членовите на Комисијата дискутирале и за комбиниран модел, односно до 5то одделение да одат на настава во училиште а останатите да учат од дома. Но од здравствен аспект било укажано дека не смее да се ризикува со децата имајќи во предвид дека освен короната, во септември се актуелни и вирусите и настинките кои имаат слични симптоми со Ковид 19 и како што кажаа епидемиолози тоа може да направи сериозни проблеми, односно, за секоја температура кај ученик да треба и проверка на Ковид статус.
Според наши информации, по состанокот на Комисијата заседавал и Кризниот штаб во Влада, но нема информација дали денеска или утре ќе се донесе одлука.
Сања Димитровска
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората