Македонија
25. November 2019 - 11:47

Адеми: Ако нема говор на омраза Шверцери можат да славаат како сакаат

Арбер Адеми, министер од редовите на ДУИ вели дека ако немало говор на омраза, навивачката група "Шверцери" можела да слави како сака. Сепак, рече дека осудува секаков говор на омраза и недолично однесување. Вели дека му било мило што навивачки групи славеле во културни институции.

За потсетување, директорката на МНТ Симона Угриновска вели дека не била информирана за прославата на Шверцери.

„Беше најавено одбележувањето на Денот на албанската азбука а ми рекоа дека ќе има уште еден настан во рамките на тоа но не ме информираа за што станува збор. По завршувањето на првиот дел во театарот влезе толпата навивачи, да го проследи документарниот филм снимен за нив, и неконтролираната толпа направи значителна материјална штета. Искршени се орнаменти кај седиштата и слични штети. Утрово повикав екипа на МВР да ги согледа штетите од овој настан. Морам да потенцирам дека објектот не беше изнајмен туку отстапен на барање на Министерството за култура, изјавила Угриновска за „А1 он“.

На директорката Угриновска и било кажано дека координацијата за првиот настан ја води портпаролот на Владата Мухамед Хоџа додека за втрориот настан бил одговорен организациониот секретар и пратеник во Владата Артан Груби кој и покрај инсистирањето не ја информирал за сценариото за вториот настан.

Наспроти ракциите и критиките за однесувањето на „Шверцерите“ во МНТ, пратеникот  на ДУИ, Артан Груби на Фејсбук ѝ го честита јубилејот на навивачката група.