АБА: Само еден пораз на Ц.Звезда
Кошаркарите на Црвена звезда со победа го затворија регуларниот дел од сезоната во АБА лигата. Актуелниот шампион во регионалното натпреварување, во последното коло убедливо славеше против Будуќност 82:66 и одбра против црногорскиот првак да игра во полуфиналето.
Црвена звезда, најголемиот фаворит за титулата во АБА лигата, регуларниот дел од сезоната го заврши со 25 победи и само еден пораз, што е апсолутен рекорд во лигата.
Во последното коло „црвено-белите“ имаа можност сами да го одберат противникот во полуфиналето и решија тоа да биде Будуќност.
Доколку Црвена звезда загубеше во полуфиналето ќе играше против вечниот ривал Партизан.
Дуелот со Будуќност „црвено-белите“ го добија рутиснки, во најголемиот дел од натпреварот одржуваа разлика помеѓу седум и 12 поени. Дилемите околу победникот Црвена звезда ги реши во последната четвртина кога за седум минути игра на противникот му дозволи да постигне само два поени.
Џенкинс со 21 поен (4/5 за два, 4/5 за три) и пет асистенции беше најдобриот поединец на овој натпревар.
Полуфиналните двојки во плејофот се Цедевита-Партизан и Црвена звезда-Будуќност.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка