АБА лигата без најдобрите словенечки екипи

Олимпија и Хелиос ја известиле канцеларијата на регионалната кошаркарска лига (АБА), односно нејзиниот претседател Младен Вебер, дека нема да бидат дел од лигата во престојната сезона.

 

Шампионот на Словенија -  Хелиос известил дека не може да гарантира дека ќе игра во лигата, односно ќе им се посвети на другите натпреварувања, додека најпознатиот клуб од оваа земја Олимпија се откажа од „вајлд картата“ за која требаше да плати котизација од 150.000 евра.

 

АБА лигата сé уште не соопштува кои два тима ќе ги пополнат испразнетите места, а како најсериозни кандидати фигурираат Златорог (вицепрвакот на Словенија), односно Кварнер (четвртопласиран во хрватскиот шампионат), но и минатосезонските учесници во регионалната лига Металац и Сутјеска.