Кошарка
10. October 2016 - 9:45

АБА лига: МЗТ Скопје поразен по продолжение од Цибона

Македонскиот шампион МЗТ Скопје Аеродром го претрпе и четвртиот пораз во регионалната кошаркарска АБА лига.
 
По високите порази од Црвена звезда во Белград, Партизан во Скопје, и Цедевита во Загреб, екипата на МЗТ Скопје Аеродром го загуби и натпреварот од 4.коло одигран синоќа во СЦ „Јане Сандански“ во Скопје, од Цибона по две продолженија со 85:89.
 
По 40 минути немаше победник (72:72), така беше и по првите дополнително пет минути (10:10), за во второто продолжение гостите од Загреб да бидат поуспешни со 7:3.
 
Цибона до победата ја предводеше Андреа Жижиќ кој средбата ја заврши со дабл-дабл учинок од 37 поени и 20 скокови.
 
Во редовите на МЗТ Скопје двоцифрен број на поени имаа четворица кошаркари, а најмногу Урош Лучиќ 18.
 
Денеска вториот македонскиот претставник во АБА, Карпош Соколи, ќе се обиде да ја оствари првата победа и тоа во дуелот против белградски Партизан кој ќе се игра во СЦ „Борис Трајковски“ со почеток од 18 часот.