Кошарка
1. February 2016 - 20:20

АБА лига: Црвена Звезда пресилна за МЗТ Скопје

Екипата на МЗТ Скопје Аеродром го претрпе 13. пораз во АБА лигата откако вечерва на гостувањето во Белград загуби од Црвена Звезда со 92:79. Резултат по четвртини: 29:18; 19:22; 30:13; 14:26.
 
Во текот на целиот натпревар, шампионот на ова натпреварување Црвена Звезда имаше постојано водство, а на полувремето беше 48:40. Третиот период кошаркарите на македонскиот првак го одиграа најслабо и „црвено-белите“ имаа и +25 позитива (78:53). Во последната четвртина „металците“ успеаја да го ублажат поразот.
 
Маик Цирбес од Црвена Звезда со 28 поени и 11 скокови беше најдобар на теренот, додека Урош Луковиќ со 20 поени беше најефикасен кај МЗТ Скопје.
 
Резултати на другите натпревари од 22.коло: Задар – Металац 88:72, Крка – Игокеа 74:64, Будуќност – Партизан 78:65, Олимпија – Тајфун 77:69, Цибона – Сутјеска 93:76 и Мега – Цедевита 100:93.
 
Табела: Будуќност 20-2 (победи-порази), Цедевита 16-6, Црвена Звезда 16-6, Мега 15-7, Цибона 10-12, Задар 10-12, МЗТ Скопје Аеродром 9-13, Олимпија 9-13, Игокеа 9-13, Партизан 9-13, Крка 9-13, Металац 8-14, Сутјеска 7-15, Тајфун 7-15.