АБА 2: Задар се избори за „мајсторка“

МЗТ Скопје пропушти неверојатна шанса да се врати во АБА лигата, откако на домашен терен пропушти водство во финишот на мечот и во драматична завршница загуби со 77:78 (23:18, 20:17, 15:21, 18:22) од Задар во вториот квалификациски меч.

„Металците“ претходно стигнаа до фантастична победа на гости во Хрватска, за да имаат шанса пред својата публика да се вратат во главната лига.

МЗТ почна одлично и направи предност од пет поени по првата четвртина (23:18), која ја оддржуваа до последната четвртина, во која влегоа со два поени предност (58:56), пред неверојатниот кам-бек на гостинскиот клуб.

Џејмс Вудард беше најефикасен за „металците“ со 26 поени, Медфорд додаде 17, додека Иванов заврши со 14, додека кај гостите Марио Литл имаше 20 поени.

фото: макфакс