8 починати и 767 новозаболени од Ковид-19 во Косово
Во Косово во минатите 24 часа за прв пат се извршени над две илјади тестови според методот РТ-ПЦР и притоа се откриени нови 767 заболени од Ковид-19, јави дописникот на МИА од Приштина.
Според последниот извештај на Националниот институт за јавно здравство на Косово (ИКШПК), вчера се регистрирани и нови осум смртни случаи на лица заразени од коронавирусот, со што бројката на жртви на епидемијата се искачи на 784.
Вкупно од почетокот на пандемијата, вклучително вчерашните 2.178, во лабораторијата за микробиологија на ИКШПК и во приватни клиники се извршени 113.738 тестови.
Во изминатите 24 часа како излекувани се евидентирани 186 пациенти, додека вкупно досега болеста ја совладале 16.685 лица кај кои е откриен вирусот.
Според официјалните податоци, активни носители на вирусот моментно во Косово се 9.418 случаи.
Од утре, 13 ноември, во земјата стапуваат во сила нови мерки за заштита од ширењето на епидемијата, меѓу кои е карантинот и полицискиот час во општините со најголем процент на заразени.
Жартиште на епидемијата е главниот град Приштина, во кој досега се потврдени повеќе од 9.500 носители на коронавирусот.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица