70 годишен прилепчанец починал од изгореници здобиени од пожар во неговиот стан

Седумдесетгодишниот Ристо Нашулов е прилепчанецот кој синоќа е пронајден изгорен во сопствениот стан на улицата “Јоле Андоноски”, лоциран во центарот на Прилеп. Пожарот бил забележан и пријавен од случаен минувач и истиот бил изгаснат за десетина минути. Покрај жртвата, за која, кога се пристапило кон гаснењето, не се знаело дека е внатре, причинета е и помала материјална штета која првично се проценува на околу 8.000 денари, велат од ТППЕ.

 

 

Инаку, според соседите, кои не сакаа да зборуваат во камера, пензионерот Нашулов живеел со сопругата и синот, со кои наводно не бил во најдобри односи. Тие во моментот на  пожарот не биле дома. Истрагата која е во тек, треба да ги открие причините и околностите под кои и како настрадал прилепчанецот.