Зимата доаѓа во Македонија: Следи снег и температури под нулата
Времето ќе биде облачно со локални врнежи, претежно од снег, главно со слаб интензитет. Повеќе врнежи ќе има во планинските региони на северозападот и истокот од државата, каде се очекува формирање или зголемување на снежната покривка. Формирање мала снежна покривка е можно некаде и во пониските делови на северот од земјава. Температурата ќе се движи од минус еден до пет степени.
Во Скопје слично време, со температура од нула до три степени.
Појава на врнежи ќе има и во вторник, но само на крајниот запад. Во останатите делови преку денот ќе има сончеви периоди, ќе дува умерен југозападен ветер, а температурата осетно ќе се зголеми.
Поинтензивен влажен бран со врнежи од дожд се очекува в среда доцна попладне, како и во текот на ноќта кон четврток, кога поради нагло заладување врнежите ќе преминуваат во снег.
Најстудено ќе биде в петок, кога утринската температура ќе се движи од минус осум до минус два степена, а дневната од два до десет степени.
Во Скопје слично време, а најниската температура се очекува во четврток кон петок ноќта кога живата во термометарот ќе падне до минус 7 степени.
Во Скопје првиот снег годинава може да се очекува уште вечерва но врнежите ќе бидат со многу слаб интензитет.
Ново на Сител
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар