Жерновски повторно побара прекин на наставата поради загадувањето
Градоначалникот на општина Центар Андреј Жерновски ја поздрави најавата на скопскиот градоначалник дека Градот Скопје може да даде предлог до Министерството за образование и наука за прекин на наставата доколку повеќе од пет дена продолжи високата загаденост.
- Како што веќе апелиравме мора итно да се донесат мерки за заштита од загадениот воздух. Утрово, воздухот во Центар е загаден девет пати повеќе од дозволеното, а вчера Скопје беше најзагаден град во Европа. Прекин на наставата е најбрзата од низата на мерки кои треба да се донесат час поскоро, за децата да не трпат последици по здравјето, вели Жерновски.
Тој апелира Министерството на образование и наука да ја прифати иницијативата на општина Центар и да донесе одлука за прекин на наставата. Од Градот и од надлежните институции побара да ги разгледаат сите останати можности и мерки и да усвојат пакет решенија за заштита на здравјето на граѓаните.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари