Жената седела покрај мртвото тело, а децата вриштеле - морничави детали од несреќата во Истра
Триесет и две годишниот Коста Коларски од Руменка загина, а неговата жена и двете малолетни деца се тешко повредени во страшната сообраќајна несреќа која се случи ноќта помеѓу понеделникот и вторникот на вијадуктот Роговиќи, кај познатиот Истарски ипсилон. За тежината на несреќата говори и фактот што пожарникарите морале да го сечат кровот на автомобилот да за ги извлечат повредените.
До несреќата дошло кога 55-годишниот Загрепчанец со својата шкода суперб, од засега неутврдени причини преминал на спротивната коловозна лента и директно се судрил со Коларски, кој управувал фиат стило.
- Несреќниот човек почина на лице место, а неговата фамилија, како и возачот на шкодата се тешко повредени. Очевидците на несреќата слушнале врисоци и плач на дечињата, кои се наоѓале на задното седиште на автомобилот, па веднаш притрчале во помош, наведува извор близок на истрагата за српски Курир.
- Лекарите не можеа да дојдат до повредените, па на помош ги повикаа пожарникарите. Кога стигнаа пожарникарите, затекнаа страшна глетка. Автомобилоте беа целосно уништени и смачкани, раскажува соговорникот на српски Курир.
За ужасната глетка говори и податокот што пожарникарите неколку часа ги извлекувале повредените од автомобилите.
- Децата беа заглавени, вистинско чудо е што преживеаа, а сопругата седела на совозачкото седиште, покрај починатиот Коста. Вијадуктот Роговиќи беше затворен за сообраќај повеќе од пет часа, вели изворот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација