Македонија
21. January 2018 - 14:20

Жена тешко повредена откако Лада Нива удри во жардиниера

Жена е тешко повредена откако возило „Лада Нива“ со скопски регистерски таблици управувано од Т.А. (70) од Скопје удрило во бетонска жардиниера, вчера на булеварот „Александар Македонски“.

- Од незгодата со повреди се здобила сопатничката К.С. и била пренесена во Градската општа болница “Свети Наум Охридски“ каде од страна на доктор и биле констатирани тешки телесни повреди и истата е задржана на понатамошно лекување, информираат од полицијата.

Од страна на увидна екипа од СВР-Скопје бил извршен увид и се работи на целосно расчистување на случајот.