Железничкиот сообраќај во целосен прекин
Железничкиот товарен и патнички сообраќај е во целосен прекин поради протестот на вработени во Македонски железници АД Транспорт кои бараат исплата на вториот дел од октомвриската плата.
По блокадата на товарниот железнички транспорт што почна вчера попладне, од ноќеска на полноќ не сообраќаат ниту патничките возови.
- Тргнат е само утринскиот воз од Скопје за Гевгелија, од вработен што не го испочитува договореното, а на останатите релации не се одвива сообраќајот, изјави за МИА Душко Чакаровски, машиновозач во Македонски железници АД Транспорт.
Чакаровски вели дека протестот со блокада на сообраќајот ќе трае до исполнување на нивното барање. Како што тврди, од Владата им било речено дека ќе има средба, но првин да се нормализира сообраќајот што, за нив не било прифатливо.
Според изјавите на вработените вклучени во прекинот на железничкиот сообраќај, зад протестот не стојат синдикалните организации.
Менаџментот на МЖ Транспорт вчера преку соопштение информираше за прекинот на сообраќајот, истовремено соопштувајќи дека се работи на нормализирање на товарниот и патничкиот сообраќај.
Ново на Сител
-
Гласање во затвор „Идризово“, запишани 887 избирачи
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор