Свет
14. May 2017 - 8:46

Земјотрес синоќа го стресе Иран, најмалку две жртви и над 350 повредени

Најмалку две лица загинаа и над 350 се повредени во земјотресот со интензитет од 5,7 по Рихтеровата скала што го погоди Иран.

Епицентар на синоќешниот потрес бил во местото Пишкалех што се наоѓа на околу 800 км североисточно од Техеран и има околу 2.000 жители.

Земјотресот предивика прекин во снабдувањето со струја. Во земјотресот со јачина од 6,6 степени што го погоди Иран во 2003 година загинаа 26.000 луѓе.