Започна реконструкција на главната улица во Глумово
Град Скопје денеска започна со реконструкција на еден километар на главната улица во населеното место Глумово во општина Сарај.
На почетокот на градежните работи присуствуваа градоначалниците на Град Скопје и општина Сарај, Коце Трајановски и Беким Мурати, и директорот на ЈП „Улици и патишта“, Синиша Ивановски.
- Со овој проект е предвидена реконструкција на коловозот на оваа улица, од влезот на Глумово до тoчкaтa кaде штo се двoи пaтoт зa Гoрнa и Дoлнa Мaткa. Ќе се изврши отстранување на горниот слој и ќе се нанасе нов асфалт, а ќе се реконструираат и тротоарите на местата каде што ги има, истакна градоначалникот Трајановски.
Градоначалникот Мурати изјави дека соработката со Градот Скопје е одлична и дека резултирала со голем број реализирани проекти со кои е подобрен животот на жителите на општина Сарај.
Работите на терен ќе ги изведуваат екипите на ЈП „Улици и патишта“, а за реализацијата на овој проект Градот Скопје ќе издвои 10 милиони денари. Се очекува реконструкцијата на главната улица во Глумово да биде завршена за околу два месеца.
Ново на Сител
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила