Загадувањето во Тетово голем предизвик, ќе дишат ли тетовчани почист воздух оваа зима?
Во центарот на Полог под падините на најмасивната планина Шара лежи град кој денес е познат како најзагаден во Европа. Парадоксот во Тетово е голем колку и градот. Тетово има на располагање голем број природни ресурси но истите од густиот чад и смет не се забележуваат. Ова е една од дивите депонии кои до скоро со реата што ја ширеше одовде ги труеше тетовчани. Преку голем број на протести, иницијативи постојано се бараше решение за дивите депонии во градот, но локалните власти заглавија на празни ветувања. Еден топол августовски ден оваа депонија беше запалена а над тетовчани надвисна облак од штетните пм 10 честички и тоа со фрапантни 280 микрограми измерени на метар кубен. По години поминати, конечно пред неколку дена дивата депонијата на влезот од градот е елиминирана. Но, екологистите не се задоволни, од искуство велат ова не е трајното решение.
Привременото затворање на Југохром беше само еден од чекорите кои требаше да се преземат, но со тоа не се реши трајно проблемот со загадувањето, сметаат од ЕКО Герила. На загадувањерто на амбиенталниот воздух влијаат и домаќинствата кои во огромен број се греат со дрва.
Тетовчани не знаат како е да се користи јавен превоз, во еден од најголемите градови во Македонија градски автобуси нема.
Пред 2 години поплава во Тетово предизвика и излевањето на реката Пена. Една од причините кои тогаш ги наведоа надлежните е неисчистеното корито. Градежен шут, медицински отпад, смет, фекалии се фрлаат во реката. Кејот на реката наместо да се користи за рекреација , стана еколошка катастрофа.
Загадувањето во Тетово останува и натаму голем предизвик. Можат ли тетовчани да дишат почист воздух оваа зима, останува да видиме.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово