Заев се сретна со Ванхауте и претставници на ИРИ
Отворањето дијалог со опозицијата во државата, актуелното решавање на отворените прашања со соседите, како и одржување на пријателска атмосфера, сигурно ќе донесе до просперитет за граѓаните на Република Македонија и соседните држави, констатирале на денешната средба премиерот Зоран Заев и Питер Ванхауте, белгиски експерт и поранешен посредник на ЕУ, кој помагаше за реализирање на поголемиот дел од реформите кои беа потенцирани во Извештајот на Прибе.
- Заев и Ванхауте разменија мислења околу актуелната политичка ситуација во земјава, оценувајќи ги како исклучително позитивни економските мерки кои се преземаат за стабилна бизнис клима и привлекување странски инвестиции преку воведување нови економски мерки што се темелат на фер и транспарентна распределба, како и чекорите кои придонесуваат за јакнење на довербата меѓу Република Македонија и Република Грција, соопшти владината прес-служба.
Заев на средбата со Ванхауте и со претставниците на Меѓународниот Републикански Институт (ИРИ) во Македонија истакнал дека Владата е отворена за соработка и е добредојдена секоја препорака со цел подобрување на нејзината работа во остварување на реформите
Според соопштението, директорката на Програмата на ИРИ во Македонија, Илина Мангова и Марија Саздевски, менаџер на Програмата за финансии, го поздравиле унапредувањето на владеењето на извршната власт и изразиле поддршка за реформите и остварувањето на Планот 3-6-9. Го запознале премиерот Заев со практиките и препораките за управување во сферата на јавната администрација и за односите на Владата и Собранието давајќи поддршка на актуелните реформи во државата.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари