Заев и Дивјак-Томиќ: Постои искрено пријателство меѓу Македонија и Србија
Премиерот Зоран Заев, претпладнево се сретна со амбасадорката на Република Србија во Република Македонија Душанка Дивјак – Томиќ, На средбата, како што соопшти владината прес-служба, заеднички е оценето дека постои искрено пријателство меѓу двете држави и постојат реални основи за продлабочување на односите меѓу двете пријателски земји.
- Владата на Република Македонија е определена да развива доброседски односи и низ прокативната улога во регионалата соработка да придонесе кон евро-атлантските перспективи на целиот регион. Република Србија е традиционален пријател на Република Македонија и насочени сме само кон позитивни односи што ќе придонесат и во билатералните односи и на регионален план, рече премиерот Заев.
Српската амбасадорка Дивјак – Томиќ изрази благодарност за конструктивноста на премиерот Заев во унапредувањето на соработката помеѓу Македонија и Србија, за што се веќе договорени официјална посета на премиерот Заев на Србија, заеднички состанок на двете влади, конкретни чекори во областа на економијата, како и за неговите заложби, потврдени и во телефонскиот разговор со српскиот претседател Александар Вучиќ, низ искрен и отворен пристап да се решаваат сите отворени прашања.
- Пренесувам позитивна и конструктивна атмосфера од Србија за натамошна блиска соработка. Исто така пренесувам и благодарност за поддршката од Владата на Македонија, седиштето на Транспортната заедница да биде во Белград. Тоа што генералниот секретар на Транспортната заедница е од Република Македонија е само потврда за определбата од двете страни, за негување и развивање на нашите пријателските односи, рече амбасадорката Дивјак – Томиќ.
На средбата е констатирано дека двете држави имаат интерес да ги следат европските тенденции во демократскиот и економскиот развој. Премиерот Заев објасни што прави новата Влада на тој пат, преку реформскиот План 3-6-9 којшто, економските модели за олеснувања на граѓаните, заедно со добрите односи со сите соседи што треба да и овозможи на Македонија исчекори во европските и НАТО аспирациите.
- Има причини Македонија да направи чекори напред во ЕУ и НАТО интеграциите и очекуваме тоа да се случи, рече премиерот Заев.
На средбата на претседателот на Владата, Заев и српската амбасадорка Дивјак – Томиќ е договорено да се направи рекапитулар на потпишаните, а досега нереализирани документи за соработка помеѓу двете држави и да се пристапи кон нивна скорешна имплементација.
Исто така се разговараше и за можноста за интензивирање на соработката меѓу на државите на општинско ниво, што може значително да придонесе во подобрување на квалитетот на живот на граѓаните на двете земји.
Ново на Сител
-
Расчистена кражба во Гостивар
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата