„За заедничка Македонија“ бара нови парламентарни избори
За конечен излез од кризата и решение на оваа многу комплицирана состојба во која се наоѓа Македонија бараме одржување на нови парламентарни избори, изјави Богдан Илиевски од граѓанската иницијатива „За заедничка Македонија“.
- Баравме отфрлање на тиранската платформа. Учесниците во таа тиранска коалиција одбија да ја отфрлат, меѓутоа покажавме дека ние на улиците сме посилни. Затоа бараме одржување на нови парламентарни избори, рече Илиевски на денешната прес-конференција по средбата со Здружението на пензионери на Општина Бутел.
Како што најавивме, посочи Илиевски, на 60-тиот ден од почетокот на протестите на граѓанската иницијатива „За заедничка Македонија“ започнуваме средби со разни организации, здруженија и целни групи со цел да дискутираме за моменталната ситуација во која се наоѓа Македонија, за нашето движење и што во иднина треба да се случува.
Според Ванчо Петрушевски, иницијативата „За заедничка Македонија“ не се однесува само на најбунтовната возраст и на младите, туку и на пензионерите и постарите.
- Народот наш сака да живее во една татковина, сака да живее мирно, да има спокојна старост и да има млади луѓе што ќе ја носат оваа држава напред. Бараме што поголема масовност и повеќе присутни на овие протести за нашето барање да добие поголемо значење, изјави Петрушевски.
Претседателот на Здружението на пензионери на Општина Бутел Љупчо Димовски, рече дека сите пензионери се загрижени за работите што се случуваат.
- Пензионерите за овие десет години видоа што значи живот во Македонија. Покачување на пензиите има секоја година и сега се плашат и слушаат дека ќе ги намалат пензиите. Не треба така да се зборува за пензионерите. Ние знаеме дека ќе опстоиме и ќе се бориме до крај да си ги зачуваме она нашето пензионерското, изјави Димовски.
https://
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација