За само неколку дена околу 700 бегалци избегале од центрите мигранти во Германија
Во последните неколку дена околу 700 бегалци избегале од центрите за прифат и првично распределување на мигранти во германската федерална провинција Долна Саксонија, пренесе ТАСС, повикувајќи се на весникот „Зиддојче цајтунг“.
Според податоци на весникот, мигрантите, кои самоволно ги напуштиле центрите, заминале кај свои познаници и роднини, кои веќе престојуваат во Германија или се во други земји од ЕУ.
Засега не се знае точниот број избегани мигранти, затоа што тие дури и не биле регистрирани како бегалци.
По овој повод германскиот министер за вантрешни работи, Томас де Мезиер, изјави дека „пред почетокот на летото бегалците во Германија биле благодарни што се тука, а сега мислат дека можат да одат каде ќе посакаат“.
-Тие ги напуштаат административните простории во кои се сместени, си повикуваат такси и, за чудо, располагаат со пари за да пропатуваат стотици километри низ Германија, рече министерот.
„Тие организираат штрајкови затоа што не им се допаѓаат условите, затоа што не им се допаѓа храната, и потоа создаваат кавги. Се разбира, има малку такви луѓе, но ние треба јасно да им кажеме дека од бегалците сакаме да покажат културно одесување“, посочи Де Мезиер.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација