За првпат во последните речиси 100 години христијаните во Измир го прославија Богојавление
За првпат во последните 94 години православните христијани во Измир добија дозвола да го одбележат празникот Богојавление, пренесе ДПА.
На пристаништето во третиот по големина град во Турција, што некогаш бил половина грчки, свештеник го фрли крстот во водата и пушти голуб на слобода како дел од церемонијата. Ритуалот го симболизира крштевањето на Исус Христос и Светиот дух, забележува германската агенција.
Грчката телевизија Скај настанот го пренесуваше во живо.
На церемонијата присуствуваа Грци кои работат во Измир, членови на други православни цркви, регионалниот католички епископ, посетители од Грција и локални жители на Измир.
Актите, како што е одобрението за одбележување на црковни празници, се користат од владите на Грција и на Турција за изградба на довербата меѓу двете држави по војната и раселувањето што следело во 1922 година на околу два милиони грчки и турски државјани. Тогаш приближно 1,5 милиона Грци биле принудени да ја напуштат турската територија, а 400.000 Турци требало да ја напуштат Грција согласно спогодбата меѓу двете земји, потсетува ДПА.
Ново на Сител
-
Велигденска честитка на на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел