За пет дена во Грција по морски пат пристигнале 390 мигранти и бегалци

Вкупно 390 мигранти и бегалци пристигнале во Грција по морски пат во последните пет дена, јави грчката новинска агенција АНА-МПА.

На островот Самос пристигнале 157 мигранти, 131 на Хиос, а 102 на Лeзбос.

Грчките власти соопштија дека вкупно 9.137 мигранти и бегалци во моментот се блокирани на наведените острови, што се наоѓаат во источниот дел на Егејско Море.

АНА-МПА претходно јави дека грчките пристанишни власти и европските сили ФРОНТЕКС спасиле 141 мугранти кои биле откриени во близина на брегот на Катаколо, во западниот дел на Пелопонез.

Се претпоставува дека тие патувале кон Италија, но нивниот брод почнал да се полни со вода при што испратиле сигнал за помош.